نوچەنێت
دوای خستنە خوارەوەی فڕۆکەکانی ڕوسیا لەلایەن تورکیا و چەکدارە توندڕەوەکانەوە، حکومەتی ڕوسیا جگە لە زمانی ڕاگەیاندن هیچ وەڵامێکی کرداری نەبوو، بەڵام هاوڵاتییانی مۆسکۆ یەکەم وەڵامی کرداری لەدژی تورکیا نیشان دەدەن.
وەزیری بەرگری ڕوسیا هەواڵەکەی ڕاگەیاند و وتی لەلایەن تورکیاوە فڕۆکەیەکمان خراوەتە خوارەوە، لەگەڵ ڕاگەیاندنی خستنەخوارەوەی فڕۆکەکەیان لەلایەن تورکیاوە، هاوڵاتییانی پایتەختی ڕوسیا دەستیانکرد بەهێرش کردنە سەر بینای کۆنسوڵگەری تورکیا لە شاری مۆسکۆ.
ئاژانسی هەواڵی ئانادۆڵ، هەواڵەکە پشتڕاستدەکاتەوە و ڕایدەگەیەنێت، هاوڵاتییانی ڕووسی لەشاری مۆسکۆ بەهێلکە و بەرد هێرشیانکردووەتە سەر بارەگای کۆنسوڵگەری تورکیا لە شاری مۆسکۆ.
