نوچەنێت:تایبەت
هەرچەندە تایەر تۆفیق بە هونەرمەندی گەل ناسراوە بەڵام
یادێكی شایستەی بۆنەكرایەوە.تارا رەسوڵیش دەڵێت یادەكەی ئەمڕۆ بەپێی پێویست نەبوو
دوێنێ 20-10-2015 یادی 28مین ساڵیادی كۆچی دوایی هونەرمەندی گەل و مامۆستای مەقامات مامۆستا (تاهیرتۆفیق )ی هەرگیز نەمر،بە میوانداری ژمارەیەكی زۆر لە هونەرمەندان و ڕۆشنبیران و بەرپرسانی شاری كۆیە بەڕێوە چوو.
یادەكە 10ی سەرلەبەیانی بە دانانی تاجە گوڵینە بۆ سەرمەزاری تاهیر تۆفیق دەستی پێكرد پاشان لە هۆڵی زانكۆی كۆیە چەند وتارێك لەلایەن قائیمقامی قەزای كۆیەو نوسەران هۆنەرمەندان پێشكەشكرا.
هۆشمەند زاهیر سەرپەرشتیاری یادەكە بۆ نوچە نێت گوتی: ئێمە وەك تیپی باواجی كۆیە ساڵانە یادی تایرە تۆفیق دەكەینەوە بەڵام ئەمساڵ بەهۆی ئەو بارودۆخەو لەبەرچاوگرتنی باری دەرونی خەڵك بۆنەكە بەبێ گۆرانی و مۆسیقا بەڕێوە چوو.
لەلایەن خۆشیەوەئەمیر محمد كەبابچی ئەرشیف دۆست گوتی ساڵانە لەسەر ئەركی خۆم كۆمەڵێك سیدی دێنم دابەشی دەكەم بەسەر عاشقانی دەنگی تایەر تۆفیق ،سیدی ئەوجارەش بریتیە لەو گۆرانیانەی لەنێوان ساڵانی 1961-1977 تۆماركراون بەدەنگی خاڵە تایەر لەبۆنەو ئاهەنگەكان، و كەس گوێی لەم گۆرانیانە نەبووە تا ئێستا.
هونەرمەند تارا رەسوڵ دەڵێت چونكە تایەر تۆفیق گۆرانی بێژ بووە دەبوو یادەكە گۆرانی تێدابایە
هونەرمەند تارا ڕەسوڵ كە ئامادەی یادەكەی ئەمڕۆ بوو گوتی بەپێی پێویستنیە بەڵام بەبۆچونی من لەجێی ئەم هەموو وتارە كە هەندێكی پەیوەندی بە مامۆستا تایەرەوە نەبوو، چەند گۆرانیەك و پارچە میوزكێك هەبوایە باشتربوو . تارا گوتیشی له ڕۆژێکی وه کو ئه مڕۆ 20/10/2014 من وهيوا (هیوا حلاق )ى شاعير له یادی مامۆستا تایه ر تۆفیق یه کتریمان ناسی دواتر په یوه ندیه که مان قوڵتر بۆیه وه و بوو به خۆشه ویستی و چوینە قەفەزی زێڕین و هاوسەر گیریمانكرد.
تایەر تۆفیق عبدالرحمن لە ساڵی 1922 لە شاری كۆیە لەدایك بووە، زیاتر لە 400 مەقامو گۆرانی پێشكەش كردووە ،و لە 20ی تشرینی یەكەمی ساڵی 1987لەتەمەنی 66 ساڵی كۆچی دوایی دەكات.
