دوو تەقینەوەی یەك لە دوای یەك لە ئەنقەرەی پایتەختی تورکیا ڕوودەدات و بەپێی ئامارە سەرەتاییەکان دەیان قوربانی لێدەکەوێتەوە.
کەمێك لەمەوبەر لەنێو ئەو کۆبوونەوە جەماوەرییەی کە لە ئانقەرا پێکهاتبوو تەقینەوەیەکی بەهێز رویدا، ئەو کۆبوونەوەیە جەماوەرییە لە وێستگەیەکی قیتار رێکخرابوو.
بەپێی زانیارییە سەرەتاییەکان نزیکەی 100 هاوڵاتی کوژراون و بریندار بوون، لەناو جەماوەرە کۆبووەکەدا جەماوەری هەدەپە، جەهەپە، بزوتنەوەی حوزەیران و بزوتنەوەی ژنان و گەنجان بوونیان هەیە.
