نوچە-بی بی سی فارسی
باراک ئۆباما،سەرۆکۆماری ئەمریکا لە میانەی پرێس کۆنفڕانسێکدا و لە کاردانەوەی بەرامبەر بە سێهەم رۆژی هێرشە ئاسمانیەکانی روسیە لە سوریە،هۆشداری دەدات و دەڵێ:روسیە و ئێران ئایندەیەکی مەترسیداریان لە سوریە دەبێ.
ئۆباما جەخت لە سەر ئەوە دەکاتەوە کە ئەمریکا لە هێرش بۆ سەر دژبەرانی دەولەتی ئەسەد هیچ جۆرە هاوکارییەکی روسیە ناکات و دەشڵێ:لە روانگەی روسیەوە هەموو دژبەران و نەیارانی ئەسەد تیرۆریستن و ئەمەش کارەساتە.
ئۆباما وێڕای بە “بێ رەحم”ناوبردنی بەشارئەسەد دەڵێ:هێڕشە ئاسمانیەکانی روسیە،ئۆپۆزسیۆنی میانەرەوی سوری لە بازنە وەدەر دەنێ و لە لایەکی دیکەشەوە یارمەتی بە بەهێزتر بوونی داعش دەکات.
لە بەشێکی دیکەی کۆنفرانسە رۆژنامەوانیەکە،ئۆباما هۆشداری دەداتە روسیە ودەڵێ روسیە و ئێرانی هاوپەیمانی ئایندەیەکی مەترسیداریان لە بەردەم داویە و ئەم هەنگاوانەی روسیە وئێران،سوریە دەکاتە باتڵاقەوە.
