نوچە.نێت
لەئێستادا، كۆچككردن بۆتە دیاردەیەك، بەتایبەتی لەوڵاتانی ناوچەی رۆژهەڵاتی ناوەڕاست و بەشێك لە وڵاتانی ئەفریقیا، ئەم كۆچكردنەی لەئێستادا ئەگوزەرێت مێژویەكی دێرینی هەیە نەك تەنها لەنێو خەڵكە ئاساییەكەیدا، بەڵكو زۆرێك لە كەسایەتییە جیهانییەكان لەتاراوگەو پەناهەندەیدا ژیانیان گوزەراندوەو توانیویانە ناوبانگێكی باشیش بۆخۆیان پەیدا بكەن، بگرە هەندێكیشیان پلەو پۆستیان هەبوە لەوانە:
دالای لاما، سەركردەی روحی و سیاسی تبتیەكان، لەتەمەنی 24 ساڵییەوە نەفی كراوەو لەهندستان مافی پەنابەری وەرگرتوە، ژیانێكی زۆر سادەی بردۆتە سەر لەدایك و باوكێكی جوتیار لەدایكبوە، لەساڵی 1940 بۆتە سەركردەی رۆحی تبتیەكان
مارلین ئۆڵبرایت: لەرابردودا وەزیری دەرەوەی ئەمەریكا بوە، لە براغ لەدایك بوە لە دایكو باوكێكی جولەكە، دواتر بونەتە مەسیحی، لەكاتی جەنگی جیهانی دوەمدا كۆچیان كردوە بۆ لەندەن، لەسەرەتای منداڵیدا بەشداری فیلمێك دەكات كە باس لەمنداڵە پەناهەندەكان دەكات لە لەندەن
ئیلبێرت ئەنیشتاین: زانای فیزیای ئەڵمانیا، لەلایەن نازیەكانەوە ئازار دراوەو تا ئەو ئاستەی دەڵێن توشی سوتان بوەو ناچار بەدەربەدەری كراوە
جاكی شان: لەكاتی جەنگی ناوخۆی چین، چۆتە ئوستورالیاو وەك پەناهەندە ژیاوە
فرۆید: كە پسپۆڕی بواری لێكۆڵینەوە دەرونیەكانە، دوای 79 ساڵ ناچار كرا لەنەمسا هەڵبێت، چونكە لەخێزانێكی جولەكە بوە، لەكاتی هێرشی نازیەكان بۆ نەمسا، هەڵهاتوە بۆ لەندەنو وەك پەناهەندەیەك، هەر لەوێ كۆچی دوایی كردوە.
