نوچەنێت
لە ڕێوڕەسمی کردنەوەی کەلیسەیەکی تایبەت بە ئاشوورییەکان کە تێیدا سەرۆکی حکومەت و جێگری سەرۆکی حکومەت و وەزیری ئەوقاف و چەندان کەسایەتی لایەنە سیاسییەکان کوردستان، لایەنە ئیسلامییەکانی کوردستان بەشدارییان نەکرد.
خەلیل ئیبراهیم، ئەندامى مەکتەبى سیاسیى یەکگرتووى ئیسلامى و بەرپرسی پەیوەندییە سیاسییەکانى ئەو حزبە بە نوچەنێتى راگەیاند: ئێمە بانگهێشت نەکراوین ئەگەر نا بەشداریمان دەکرد.
مەلا مەروان گەڵاڵى ئەندام پەرلەمانى کوردستان لە فراکسیۆنى کۆمەڵى ئیسلامى کوردستان، بە نوچەنێتى راگەیاند: ئێمە بانگهێشت نەکراوین بۆ کردنەوەى ئەو کەنیسەیە، بەڵام ئێمە پێمانوایە کردنەوەى ئەو کەنیسەیە لەو ناوچەیەى خۆیان کە موسڵمانى لێ نیە، ئاساییە و دەبێ رێزیشی لێ بگیریێ.
هەروەها گوتى:ئەو ئاشتەوای و پێکەوە ژیانەى کە ساڵەهایە لە دونیاى ئیسلامدا هەیە لە کوردستانیش رەنگی داوەتەوە و پێویستە ئیشى لەسەر بکرێت.
مەلا مەروان گوتیشى: راگەیاندنەکان دەبێ بەو نەفەسە کار بکەن کە تەبایی و ئاشتەوایی و یەکتر قبوڵکردن لە ناو کۆمەڵگا بەرەو پێش ببەن نەک کار لە سەر خاڵە جیاوازەکان.
