نوچەنێت
ئەنجوومەنی وەزیرانی حكومەتی هەرێمی کوردستان بەبۆنەی هاتنەوەی جەژنی قوربانەوە پەیامێکی پیرۆزبایی بڵاو کردەوە تێیدا هاتووە”گەرمترین پیرۆزبایی ئاڕاستەی خانەوادە و كەسوكاری سەربەزی شەهیدە نەمرەكانمان دەكەین”.
لە بەشێكی تری پەیامەکەدا هاتووە”هیوادارین هاتنی جەژنی قوربانی پیرۆز، كردنەوەی دەروازەی خێر و خۆشی بێت بۆ گەل و خاكەكەمان و دەرگا بە ڕووی برایی و تەبایی و یەكڕیزیی لایەنەكانە سیاسییەكان و سەرجەم پێكهاتەكانمان واڵا بكات.”.
دەقی پەیامەکە:
بەبۆنەی هاتنی جەژنی قوربانی پیرۆزەوە سەرەتا گەرمترین پیرۆزبایی ئاڕاستەی خانەوادە و كەسوكاری سەربەزی شەهیدە نەمرەكانمان دەكەین و هەرگیز گیانفیداكاری و قوربانیی ئەو ڕۆڵە قارەمانانەمان لەیادناچێ كە لە سایەی خوێنی گەشی ئەواندا گەلەكەمان بە سەربڵندی و شكۆوە بەرەو ئاییندەیەكی گەش هەنگاو دەنێت.
پیرۆزباییەكی گەرم ئاڕاستەی پێشمەرگە قارەمانەكانمان دەكەین كە لە سەنگەری شەرەف و سەربەرزیدا بەریان بە شاڵاوی دڕندانەی بەرەی تاریكی و تیرۆر گرتووە.
ئەم بۆنەیە پیرۆز دەكەین لەسەرجەم موسوڵمانانی كوردستان و عێراق و جیهان. هیوادارین هاتنی جەژنی قوربانی پیرۆز، كردنەوەی دەروازەی خێر و خۆشی بێت بۆ گەل و خاكەكەمان و دەرگا بە ڕووی برایی و تەبایی و یەكڕیزیی لایەنەكانە سیاسییەكان و سەرجەم پێكهاتەكانمان واڵا بكات.
هەموو ڕۆژێكتان هەر جەژن و شادی بێت و كوردستانیشمان ئازاد و ئاوەدان و پێشكەوتوو.
ئەنجوومەنی وەزیرانی هەرێمی كوردستان
23 ئەیلوول/2015
