بێستون فایەق:دەسەڵاتى سیاسیى گوێ لە شەقام ناگرێت
نوچەنێت
سکرتێری حزبى ئایندەى کوردستان دەڵێت ئەگەر چوار حزبەکە شەقام نەجوڵێنن ناتوانن چاکسازى بکەن و مانەوەى بارزانی لە پۆستەکەى زیانى پێدەگەیەنێت.
قادر عەزیز لە میانى بەشدارى کردنى لە بەرنامەێکى رادیۆیی رایگەیاند: ئەگەر ئەو حزبانەى پێشتر ئۆپۆزسیۆن بوون، ئێستا لە ناو حکومەت نەبوونایەت، پرسی سەرۆکایەتى هەرێمى کوردستان بەم جۆرەى ئێستاى لێنەدەهات و دەیانتوانى بە جوڵاندنى شەقام فشار بۆ سەر پارتى و حکومەت دروست بکەن.
هەوەها گوتى: راستە 17ى شوبات سەرکەوتوو نەبوو بەڵام گرنگ بوو و فشارى بۆ سەر حکومەت دروستکرد، جەختیشى کردەوە پێویستە ئێستاش لە هەرێم هاوشێوەى بەغداد شەقام بجوڵێنرێت، لە کوردستان بە بێ فشار چاکسازى راستەقینە ناکرێت، چونکە پەرلەمان بێکاریگەرە و کەناڵەکان پەکخراون تەنیا کەناڵ کە ماوەتەوە شەقامە، چونکە ئەوەى باجى ئەم دۆخە دەدات خەڵکە و خەڵکیش لە کایە سیاسییەکان دورخراوەتەوە.
بێستون فایەق ئەندام پەرلەمانى کوردستان لە فراکسیۆنی بزووتنەوەى گۆڕان، بە نوچەنێتى راگەیاند: گرنگە شەقام لە سەر مافى خۆی بێتە دەنگ، واتە پرسێک کە پەیوەندى بە ژیان و گوزەرانى خۆیانەوە هەیە دەبێ بێنە دەنگ، بەڵام لەوە گرنگتر ئەوەیە تا چەند گوێی لێدەگیریێ، تاچەند بە دەم شەقامەوە دێن یان ئەو نارەزایەتیانەى کە شەقام دەیخاتەروو.
هەروەها نابراو گوتى: شەقام کاتێک جوڵا تا چەند گوێی لێدەگیریێ بەڵام بە داخەوە لێرە گوێ لە شەقام ناگیریێ، دە ساڵە خەڵک هاوار دەکات کەس گوێ ناگرێت لە 2007 لە کەلار و هەڵەبجە خۆپێشاندان کراوە و خەڵک کوژراوە، بۆیە دەسەڵاتى سیاسیى گوێ لە شەقام ناگرێت.
بێستون فایەق ئاماژەى بەوەدا و گوتى: ئەگەر شەقام بجوڵێ کێ گوێی لێدەگرێ دەسەڵات لەم وڵاتەدا بوى گرنگ نییە، دەسەڵاتدارەکان دەزانن شەقام چى دەوێ،و حکومەتى بنکە فراوان حکومەتێکى سەرکەوتوو نەبوو.
