نوچە.نێت
بیرین سات ئەکتەری بەناوبانگی تورک کە بەهۆی درامای العشق ممنوع رۆڵێکی سەرەکی بینی و زیاتر ناسرا .
هونەرمەندی بەناوبانگی تورک بیرین سات، بەهۆی رای جیاوازی سیاسیەوە دەکەوێتە بە هەرەشەی کوشتن و مەترسی بۆ سەر ژیانی هونەریشی دروست دەکات. کاردەگاتە ئەوەی کە خۆپیشاندان دژی بەرپا بکرێت و بە خیانەتکار ناو ببرێت.
لەبەشیکی هەواڵەکەدا هاتوە کە: پێشتر بیرین سات، پشتیوانی کردنی خۆی لە حزبی کریکارانی کوردستان لە تورکیا راگەیاندەوە و لەکاتی هەڵبژاردنەکاندا دەنگی خۆی خستوەتە پاڵ ئەو حزبە ، ئەمەش کاری کردەوەتە سەر ژیانی رۆژانەی و تەنانەت ژیانی هونەریش.
هە لەوبارەوە دەوترێت کە لەکاتی وێنەگرتنی درامای العشق ممنوع خۆپیشاندەران لەبەردەم شوێنی وێنەگرتنی دراماکەدا کۆبونەتەوەو خۆپیشاندانیان لە دژی بەرپا کردوەو بە خیانەتکار ناویان بردوە و داوا لە حکومەتی تورکیا دەکەن کە بیرین سات سزا بدرێت.
دوای ئەوە هەرەشەکان بەردەوام دەبن، هاوسەری ناوبراو نەجم کینان ئۆغڵۆ ناچار دەبێت پاسەوانی تایبەتی بۆ دابنێت و خۆیشی لە نزیکەوە چاودێری بیرین سات بکات بۆ پاراستنی لەو هەرەشانەی لێی دەکرێت.
شایەنی باسە کارو پرۆژەی تازەی هونەرمەند بەشداری کردنیەتی لە درامای السلطانە کوسیم کە رۆلی کەسێتی نیشتمانی دەبینێت . ئەمەش لە کاتێکدا کە داوای زۆربەی خەڵک ئەوەیە کە رۆڵی لێ وەربگیرێتەوە بەشداری پێ نەکرێت.
