نوچەنێت
وتەبێژى مەکتەبی سیاسی پارتى دیموکراتی کوردستان، وەڵامى وتارەکەى مەلابەختیار کارگێڕی مەکتەبی سیاسی یەکێتى نیشتمانى کوردستان دەداتەوە و بەکردنەوەى دەرگایەکى نوێ بۆ چارەسەرى پرسی سەرۆکایەتی هەرێمی کوردستان وەسفی دەکات.
…
جەعفەر ئیمنکى لە لێدوانێکی ڕۆژنامەوانیدا ڕایگەیاند، وتارەکەى مەلابەختیار دەرگایەکى نوێی کردووتەوە بۆ چارەسەرى پرسی سەرۆکایەتى هەرێمى کوردستان. بۆ ئەو دەستپێشخەریە سپاسی دەکەین.
…
مەلا بەختیار کارگێڕی مەکتەبی سیاسی یەکێتى نیشتمانى کوردستان، لە لە نووسینێکدا کە لە سایتى چاودێر بڵاو کراوەتەوە، نووسیویەتی کە سێزدە ساڵ پێش لە نێوان مەسعود بارزانى سەرۆکى پارتى دیموکراتى کوردستان و مام جەلال سکرتێرى گشتى یەکێتى نیشتمانى کوردستان،واژۆ کرا، لە بەر” جێبەجێ نەکردنى هاوسەنگى تەرازووە یەکێتى و پارتى تێکدا” دوو پرسیاریش ئاراستەى مەسعود بارزانی سەرۆکى هەرێمى کوردستان، دەکات و دەڵێت، بارزانى ئەرکێتى دۆخەکە لە ناو بازنەى داخراوەوە، دەر بهێنێ و هاوکێشەکان بەرەو گۆڕانکارى ئاییندە بگۆڕێ.
…
مەلابەختیار پرسیارێک ئارستەى بارزانى کردووە، ئایا بەڕێز مەسعود بارزانى، لە ژێر کاریگەرى رەخنەکان و فشارەکان، پێ لە سەر بۆچوونەکانى حزبەکەى خۆى، سەبارەت بە دەسەڵاتەکانى دوو ساڵەى ئاییندەى دادەگرێ، یان بەشێکى دەسەڵاتەکەى دەکاتە خەڵات بۆ گیانى پاکى شەهیدان و پێشمەرگە و چاوى فرمێسکاوى لێقەومان و تەواوى نەتەوەکەمان.هەتا هەر هەلێک بێتە پێشەوە، لە دەست نەدرێ.
هەروەها دەڵى، ئەگەر هەل لە دەست بدرێ، ئۆباڵەکەى لە سەر سەرکردایەتی سیاسی کوردستانە بە بارزانیشەوە.
