نوچەنێت
فەلاح مستەفا بەرپرسی فەرمانگەی پەیوەندییەکانی دەرەوەی هەرێمی کوردستان مەترسییەکی تر ئاشکرا دەکات کە ڕووی لە کوردستان کردووە و مەترسییەکەش لایەنی مرۆییە.
بەرپرسی فەرمانگەی پەیوەندییەکانی دەرەوەی هەرێمی کوردستان بەشداری كۆبونەوەیەكی نێوان نوێنەری وڵاتانی بیانی لەهەرێمی كوردستان و كۆمیسیۆنی باڵای سەربەخۆی هەڵبژاردنەكانی هەرێمی كوردستانی کردووە و لەو کۆبوونەوەیەدا مەترسییەکی گەورە ئاشکرا دەکات.
فەلاح مستەفا لەو کۆبوونەوەیەدا رایگەیاند”مەترسیەكی تر رووی لە هەرێمی كوردستان كردووە كە لایەنی مرۆییە تا ئێستا نزیكەی ملیۆنێك و ٨٠٠ هەزار ئاوارەی ناوخۆی عیراق و سوریا بەهۆی شەڕی داعش روویان لەهەرێمی كوردستان كردووە”
هەر لە قسەکانیدا فەلاح مستەفا وتی”ئەركی كۆمەڵگەی نێودەوڵەتییە هاوكارمان بن بۆئەوەی ئاوارەكان ئایندەیەكی باشیان هەبێت تا دەگەڕێنەوە وڵات و شوێنی خۆیان”.
ەرپرسی فەرمانگەی پەیوەندییەكانی دەرەوەی هەرێمی كوردستان زیاتر قسە دەکات و دەڵێت “حكومەتی هەرێمی كوردستان و هاوڵاتییانی هەرێم هاوكاری باشی ئاوارەكانیان كردووە، بەڵام لەڕاستیدا ئەم هاوكارییانە پێویستی بەزیاترە”.
