نوچەنێت
دوێنێ دووشەممە لەسەر زاری عەمید سەرحەد قادرەوە هەواڵی کوژرانی 30 چەکداری داعش بڵاوکرایەوە.
عەمید سەرحەد قادر بەڕێوەبەری قەزا و ناحییەکانی پۆلیسی کەرکووك لە لێدوانێكی ڕۆژنامەوانیدا ڕایگەیاند بەهۆی بۆردوومانی فڕۆکەکانی هاوپەیمانانەوە بۆ سەر بارەگا و بنکەکانی چەکدارانی داعش لە قەزای داقووق 30 چەکداری داعش کوژراوە.
.
لە لێدوانە ڕۆژنامەوانییەکەیدا عەمید سەرحەد قادر ڕایگەیاندووە”فڕۆکەکانی هاوپەیمانان چەکدارانی داعشیان لە گوندەکانی تەل رابعە و تەل ئەبو راسینو بارەگایەکی داعش کە لە نێو یەکێکك لە ماڵەکانی گوندی ئەبو راسین بوو بۆردوومانکرد و لە ئەنجامدا بە پێی زانیارییەکان 30 چەکداری داعش کوژراون”.
داقووق 40 کیلۆمەتر لە باشووری شاری کەرکووکەوە دوورە و چەند ڕۆژێکە فڕۆکەکانی هاوپەیمانان بە چڕی بۆردوومانی ئەو قەزایە دەکەن.
