موەحدی کرمانی، ئیمام و خەتیبی کاتیی نوێژی هەینی تاران دوێنێ رایگەیاند کە رێکەوتنی ئەتۆمی بە واتای ئاشت بوونەوە لە گەڵ ئەمریکیەکان نییە.
موەحدی کرمانی هەروەها دەڵێ:مەسەلەی رێکەوتنی ئەتۆمی بابەتێکی تایبەت وجیاوازە و ئەمریکا پێی وانەبێت لە سەر مێزی گفتوگۆکان بەڵێنی لە ئێران وەرگرتووە.کرمانی گوتویەتی:ئەمریکا پشتیوانی لە ئیسرائیل دەکات کە ریژیمێکی جەلاد و مرۆڤ کوژە،ئایا دەکرێ لە گەڵ ئەم وڵاتە کە جینایەتەکانی لە هەژمار نایەن ئاشت ببینەوە؟
کرمانی جەختی لە سەر ئەوە کردۆتەوە کە ئێران لە پشتیوانیکردنی مێحوەری مقاومەت و فەلەستین دەست هەڵناگرێ و ساویلکانەیە ئەگەر وا بیر بکەینەوە کە ئەمریکا گۆردراوە.دەشڵێ:دوژمنایەتی ئەمریکا لە جێی خۆیەتی و ئەمریکاش لەم رێکەوتنە بە هەڵەدا جووە.
