بە پێی نوێترین راپۆرتی رێکراوی جیهانیی یونیسێف،لە کۆتایی مانگی مارسەوە تا وەکوو ئێستا نزیکەی ٤٠٠ منداڵ بە هۆێ شەڕەوە لە وڵاتی یەمەن کوژراون ، هەر بەو رێژەیەش لە لایەن گرووپە چەکدارەکانەوە بۆ کاری سەربازی کەڵکیان لێ وەرگیراوە.
ئەمە یەکەم هۆشداریی یونیسێفە سەبارەت بە وڵاتی یەمەن.لە بەشێک لە راپۆرتەکەدا هاتووە:تا حەوتوویەک لەمەوبەر،٣٩٨ منداڵ کوژراون و ٣٧٧ کەسیش لە لایەن گرووپەچەکدارەکانەوە بۆ کاری سەربازی کەڵکیان لێ وەرگیراوە. .هەروەها ٣/١ ملیۆن مندالێش لە ماڵەوە هەڵاتوون.
رێکخراوەکانی داکۆکیکاری مافی مرۆڤ رایانگەیاندووە کە لایەنەکانی شەڕ لەم وڵاتە یاساکانی جەنگیان بن پێ کردووە و وەک پێوەیست بۆ پاراستنی گیانی خەلکی سڤیل و مەدەنی هەنگاو هەڵناگرن،لەم رووەوە نیگەرانی خۆیان دەربڕیوە.
لە هەمان کاتدا،ئەمێنیستی ئینتەرناشناڵ داوای لە نەتەوە یەکگرتووەکان کردووە کە سەبارەت بەم تاوانانە لیژنەیەکی لێکۆڵینەوە پیک بێنێ.
