نوری مالکی،سەرۆک وەزیرانی پێشووی عێراق ئەمڕۆ سێ شەمە،١٨ی ئاگۆست لە لاپەڕەی فەیسبووکی خۆیدا نووسیویەتی:راپۆرتی لیژنەی لێکۆڵینەوەی پەرلەمان بۆ کەوتنی موسڵ ئەرزش وئێعتباری نییە و بە پیلانی دوژمنانی سیاسی خۆی ناوی دەبات.
مالکی کە سەفەری ئێرانی کردووە،لە میانەی پرێس کۆنفراسێکدا دەڵێ:دەوڵەتی تورکیە و هەرێمی کوردستان لە کەوتنی موسڵ بەرپرسیارن.مالکی هەروەها کەوتنی رۆمادیشی خستە ئەستۆی تورکیە و هەرێمی کوردستان و دەشڵێ:تورکیە دوای ئەوەی کە نەیتوانی ببێتە ئەندام لە یەکیەتیی ئەوروپا،بە بیرۆکەی عوسمانی گەرییەوە رووی کردە رۆژهەڵاتی ناوەڕاست و وڵاتانی عەرەبی و سیاسەتی پاوانخوازانەی لە سوریە و باکووری عێراق گرتە بەر.
مالکی هەروەها سپاس و قەدردانی لە یارمەتیەکانی ئێران و رێبەری کۆماری ئیسلامی ئێران کردووە ورایگەیاندووە :ئێمە بوونی کۆماری ئیسلامئ بۆ بەهێز کردنی مێحوەری مقاومەت بە پێویست دەزانین و لە گەڵ ئەم وڵاتە روانگەی هاوبەشمان هەیە.
