حه‌شدی شه‌عبی له‌دژی كورد خۆپیشاندان ده‌كه‌ن

 

 

نوچه‌نێت-ئاژانسه‌كان

 

جه‌بار مه‌عمووری فه‌رمانده‌ی حه‌شدی شه‌عبی له‌ دیاله‌ رایگه‌یاند كه‌ ئه‌وان به‌شداریی خۆپیشاندانه‌ جه‌ماوه‌رییه‌كان ده‌كه‌ن و خواستی سه‌ره‌كیشیان ئه‌وه‌یه‌ رێگا له‌وه‌ بگیرێ كورد نه‌وت بفرۆشێ.

 

مه‌عمووری وتویه‌تی به‌و پییه‌ی حه‌شدی شه‌عبی به‌شێكی دانه‌بڕاوه‌ له‌ خه‌ڵكی عێراق، به‌شداری لانیكه‌م پێنج خۆپیشاندانیان كردووه‌ و خواستی سه‌ره‌كیشیان رێگری بووه‌ له‌ “دزینی نه‌وتی عێراق له‌لایه‌ن كورده‌كان”.

 

به‌رپرسه‌كه‌ی حه‌شدی شه‌عبی ناڕه‌زایی به‌رامبه‌ر كه‌س و لایه‌نه‌ سیاسییه‌كان ده‌ربڕیوه‌ كه‌ چاوپۆشی ده‌كه‌ن له‌وه‌ی هه‌رێمی كوردستان نه‌وتی خاو ده‌نێرێته‌ بازاڕه‌ جیهانییه‌كان و بێ گه‌ڕانه‌وه‌ بۆ به‌غدا ده‌یفرۆشێت.