نوچەنێت
دوای تێپەڕینی جەولەیەکی تەواوی ڕاگەیاندنی شەڕ لە نێوان دەوڵەتی تورکیا و گەریلاکانی پارتی کرێکارانی کوردستان کەمێك لەمەو پێش لە جۆڵە مێرگ شەڕێکی سەخت لە نێوان گەریلاکانی پەکەکە وسوپای تورکیا دەقەومێت.
ئاژانسی هەواڵی تورکیا کەمێك لەمەوپێش هەواڵێکی بڵاو کردەوە و تێیدا ئاماژە بەوە دەدات کەمێك لەمەوبەر شەڕ لە چیای کەڤەڕ سەر بە جۆڵەمێرگ ڕوو دەدات و لە ئەنجامدا ٣ سەربازی تورکیا دەکوژرێن و ٦ ی دیکەش بریندار دەبن.
شەڕی ئەمشەوی نێوان گەریلاکانی پارتی کرێکارانی کوردستان وسوپای تورکیا بۆ ئەوە دەگەڕێتەوە کە سبەی ١٥ ی ئابەو ساڵیادی دامەزراندنی پارتی کرێکارانی کوردستان (پەکەکە)ـیە،بۆیە چاوەڕوان دەکرێت ئەم شەو تا بەیانی گەریلاکانی پەکەکە چەندان چالاکی چەکداری لە باکووری کوردستان وتورکیا ئەنجام بدەن.
