نوچەنێت-حەدەس ئەلیەوم
مالیكی نامەیەكی توند ئاراستەی عەبادی دەكات و هەڕەشەی دەركردنی لێدەكات لە حیزبی دەعوە، ئەویش دوای پرۆژە چاكسازییەكانی حەیدەر عەبادی كە تێیدا نوری مالیكی لە پۆستەكەی دورخرایەوە.
مالیكی لە نامەكەیدا بە عەبادی وتوە “كارەكانت ئینفیعالی و دیراسەنەكراو و نادەستوورین و لە دەسەڵاتی تۆدا نین”.
مالیكی لە نامەكەیدا هەڕەشەی لە عەبادی كردووە كە لە حیزبی دەعوە دەریدەكات و پشتیوانی ئەو حیزبەی لە پەرلەمان و حكومەتدا لێدەبڕێت، ئەگەر بەردەوام بێ لە بە ئاماتجگرتنی ئەوانەی لێیەوە نزیكن، بەتایبەت لە حاڵەتی جووڵاندنی هەر دۆسیەیەكی گەندەڵی كە پەیوەندی بە مالیكی و كەسە نزیكەكانیەوە هەبێ.
مالیكی وتویەتی بڕیارەكانی عەبادی بە ئامانجكردنی حیزبی دەعوەیە بە سەرۆكایەتی نوری مالیكی و ناكرێ ئەو حیزبە و ئەمیندارەكەی لێی بێدەنگبن و رێگابدەن بە ئاسانی تێپەڕببێ.
