سەلیم جەمال : من و ئازادی
بۆ ڕۆحی سەرکەشی ” شێرکۆ بێكەس “
منو ئازادی کاتێ بۆ نێو کێڵگەی جیهان سەفەر دەکەین
ئەبڵەق ئەبین و تەنیا دوو چاوی بیماری تۆ شک ئەبەین
میهری تۆ تینوێتی دڵی پڕ جۆش و خرۆشم ئەشکێنێ
ڕۆحی تۆ لە پاڵ ئەم شارە ئەنیشێت و خەم ئەڕەوێنێ
پەیمانە، من و ئازادی تا ماوین بەرگری لە تۆ بکەین
شەو چرای نیگای ئاسمان دابگیرسێ و ڕەهات بکەین
ئازیزەکەم،ئەوەندە بە نامۆیی ئەژیم،تا تۆ بە ڕەهایی بژی !
ئێشكگری تۆ منم،منێک تاکو تا مەرگ بە ئاسودەیی بژی
