نوچەنێت
بەرەبەیانی ئەمڕۆ شاری موسڵ گرژی ئاڵۆزی ناسەقامگیری بەخۆیەوە بینی،ئەمەش دوای ئەوە هات کە شەڕێکی قورس و گەورە لە نێوان کەتایبەی تەحریری موسڵ و چەکدارانی دەوڵەتی ئیسلامی ناسراو بە داعش ڕوویدا.
لە لێدوانێکی ڕۆژنامەوانیدا لێپرسراوی ڕاگەیاندنی مەڵبەندی موسڵی یەکێتی نیشتیمانی کوردستان ڕایگەیاند شەڕەکە سەر لەبەیانی ئەمڕۆ ڕوویداوە و بە دەیان کوژراو و برینداری لێکەوتووەتەوە و کوژراوی زۆر لە هەردوو لا هەیە و شەڕ و پێکدادان و باری نائاسایی تا ئێستاش بەردەوامی هەیە.
غەیاس سورچی ئەو بەرپرسەی مەڵبەندی موسڵی یەکێتی نیشتیمانی کوردستانە کە لێدوانی بۆ دەسگا ڕاگەیاندنەکان داوە و دەڵێت” بەرەبەیانی ئەمڕۆ هەینی، شەڕ و پێكدادانێكی قۆرس لە نێوان چەكدارانی رێكخراوی تیرۆریستی داعش و كەتایبەی تەحریری موسڵ، روویداوە”.
غەیاسی ناوی گەڕەکەکانی شەڕەکەی ئاشکرا کرد کە شەڕەکەی تێدا ئەنجامدراوە و دەڵێت :” شەڕ و پێكدادانەكە لە گەڕەكی وادی عەگاب لە رۆژئاوای شاری موسڵ كە ناوچەیەكی زۆر گەورەیە بە سەختی رویداوە، بەپێ ئەو زانیاریانەی بەدەستمان كەوتوون، لە ئەنجامی ئەو شەڕ و پێكدادانە، تائێستا بە دەیان كوژراو و بریندار لە هەردوولا كەوتووتەوە”.
غەیاس سورچی ئەوەشی دوپات کردەوە کەتا ئەم ئێوارەش شەڕەکە بەردەوامی هەیە بەڵام بەشێوەیەکی پچڕ پچڕ.
