جه‌یشى ئیسلام پاڵپشتى توركیا ده‌كات

نوچه‌ نێت
جه‌یشى ئیسلام كه‌ یه‌كێكه‌ له‌ لایه‌نه‌چه‌كداره‌كانى سوریا پاڵپشتى خۆى بۆ توركیا راده‌گه‌ینێ و هه‌ڕه‌شه‌ له‌په‌كه‌كه‌ و داعش ده‌كات.
له‌به‌یاننامه‌یه‌كدا كه‌ وته‌بێژى جه‌یشى ئیسلام به‌ناوى ئیسلام عه‌لوش بڵاوى كردۆته‌وه‌. ئه‌و لایه‌نه‌ چه‌كداره‌ى سوریا پاڵپشتى خۆى بۆ توركیا ده‌رده‌برٍێت و سه‌ركۆنه‌ى كاره‌كانى داعش و په‌كه‌كه‌ ده‌كات. له‌به‌یاننامه‌كه‌ هاتووه‌” ئه‌گه‌ر توركیا وه‌ڵامى ئه‌و هێرشانه‌ ده‌داته‌وه‌ كه‌ ده‌كرێته‌ سه‌ر خاك و گه‌له‌كه‌ى، ئه‌وا ئێمه‌ش هاوكارى ته‌واوى خۆمانى بۆ راده‌گه‌ینین” جه‌یشى ئیسلام یه‌كێكه‌ له‌و لایه‌نه‌ چه‌كدارانه‌ى كه‌ له‌ژێر چه‌ترى ئۆپۆزسیۆنى سوریا ده‌ناسرێت.