توركیا چه‌ند شوێنێكى كوردستانى سوریا بۆمباران ده‌كات

نوچه‌ نێت
له‌به‌یاننامه‌یه‌كدا په‌یه‌ده‌ ده‌ڵێ” هێزه‌كانى توركیا باره‌گاكانى ئێمه‌یان داوه‌ له‌ نزیك شارى جارابلس” سایتێكى رووسیش ده‌ڵێ” توركیا كۆبانى بۆمباران كردووه‌”.
به‌پێى به‌یاننامه‌یه‌ك كه‌ له‌لایه‌ن یه‌كینه‌كانى پاراستنى گه‌ل بڵاوكراوه‌ته‌وه‌. ئه‌و هێزه‌ توركیا به‌وه‌ تۆمه‌تبار ده‌كات كه‌ له‌باره‌گاكانى داوه‌ له‌نزیك شارى جرابلسى نێوان سنورى سوریا و توركیا. داواش ده‌كات توركیا ” دوژمنكارییه‌كانى” رابگرێت. هه‌ر له‌سه‌ر هه‌مان بابه‌ت سایتى ئارتى رووسى بڵاوى كردۆته‌وه‌ شه‌وى رابردوو فرۆكه‌ جه‌نگییه‌كانى توركیا چه‌ندین گوندى نزیك كۆبانیان بۆمباران كردووه‌، له‌ئه‌نجامیشدا چه‌ندین كه‌س بریندار بووه‌.