هۆزان ئسماعیل كەریم : بۆ ئه‌به‌د بنیشه‌وه
ئه‌وه سه‌حه‌ره كه‌چی من هه‌ر سه‌رخۆشم
گلاسیكی كه‌مه‌ر ته‌ر
چاوه‌كانی له‌ناو چاوم ده‌چه‌قینی
گه‌ر نه‌توانی له‌سه‌ر هه‌رو پیاسه بكه‌ی
گه‌ر نه‌توانی قه‌ندیل له پشتت هه‌لده‌ی
شوت پیناكه‌م
بی هوده‌به
بنیشه‌وه
ته‌سبیحه‌كه‌ت مه‌ژمیره‌و
واز له كۆدی ئاده‌م بینه
من و تۆ هه‌ردووكمان بیهۆشین
ناونیشانمان وشكسالی و
چاره‌نووسمان شوین بزره
غوربه‌ت له‌چاومان هه‌لده‌قولی
چاره‌نوسمان مه‌رگه مه‌رگ
هه‌ر ئه‌و ده‌توانی ژوره‌كه‌مان پركات له ئاپۆره
سه‌یركه به‌م حاله‌وه
چۆن چاوه‌روانی خه‌وی سه‌رپشتی گه‌لایه‌ك بكه‌ین
نیوه‌ی یه‌كترمان خواردو شه‌ر هه‌ر تینه‌په‌ری
هه‌ناوم شایی ده‌كه
به‌سه
نیشتمان من وتۆی هه‌یه
خوا ره‌شه‌باو هه‌ورو باران
تۆ چی
سه‌رینه‌كه‌م ده‌ستم له‌ملم ده‌ئالینی
ده‌رچوونمان له‌م چلكاوه ئه‌سته‌مه
ئیمه له خه‌لوه‌تاین
مه‌گه‌ر شاخیك ده‌ستمان بگریت
نامه‌یه‌ك له مۆبایله‌كه‌م
هاوار ده‌كه بمخوینه‌وه
ئه‌وگولانه‌ی جۆگه‌له‌كه‌ت خنكاندوونی
به فه‌رمانی خوا هاتنه‌وه
ده‌مانچه‌كه چاو هه‌لدینی
غه‌دره خۆم له تۆ خه‌ساركه‌م
سه‌ده‌یه‌ك له‌ژیر خۆلی پیلاوه‌كانی پیاسه‌ت كرد
هه‌زاران جار له باوه‌شت خه‌وی بینی
كه‌چی هه‌ر تیینه‌گه‌یشتی
له ئاسمانی خانووه‌كه‌م ورد ده‌بمه‌زه
جن گالته‌م پی ده‌كه‌ن
خیرا نوشته‌كه‌ی سه‌ر سینگم ماچ ده‌كه‌م
خودایه كه‌ی ده‌توانم بخه‌وم
ئه‌وه خۆر هاته‌وه دیسان
خودایه بمخه‌وینه
