كچه‌ جوله‌كه‌كه‌ى ناو په‌په‌گه‌ گه‌ڕایه‌وه‌ ئیسرائیل

نوچه‌ نێـت
ئه‌و كچه‌ جوله‌كه‌یه‌ى له‌ریزه‌كانى یه‌په‌گه‌ شه‌ڕى له‌دژى داعش ده‌كرد گه‌ڕایه‌وه‌ ئیسرائیل و له‌وێش لێكۆڵینه‌وه‌ى له‌گه‌ڵ ده‌كرێت.
گیلا رۆزنبێرگ كه‌ كچه‌ جوله‌كه‌یه‌كى ئیسرائیلییه‌ و به‌ره‌گه‌ز كه‌ندییه‌. چه‌ند مانگێك له‌ ریزه‌كانى یه‌په‌گه‌ بوو له‌دژى داعش ده‌جه‌نگا. ئێستا ئاژانسه‌كانى ئیسرائیلى ئاشكراى ده‌كه‌ن كه‌ گیلا گه‌ڕاوه‌ته‌وه‌ ئیسرائیل و له‌وێش له‌گه‌ڵ چه‌ند ده‌زگایه‌كى ئه‌منى لێكۆڵینه‌وه‌ى له‌گه‌ڵ كراوه‌. له‌دیمانه‌یه‌كى رۆژنامه‌وانى دا گالا ئاشكراى ده‌كات بۆ ئه‌وه‌ سه‌ردانى سوریاى كردووه‌. بۆئه‌وه‌ى به‌رگرى له‌ نه‌ته‌وه‌كانى دیكه‌ بكات و ئه‌زمونێكى هاوشێوه‌ى هۆلۆكۆستى جوله‌كه‌ دووباره‌ نه‌بێته‌وه‌. ئاژانسه‌كان باس له‌وه‌ ده‌كه‌ن گالا له‌وانه‌یه‌ رووبه‌رووى لێچێچینه‌وه‌ى یاسایى ببێته‌وه‌. چونكه‌ ئه‌و به‌ناسایى چۆته‌ سوریا. گیلا هۆكارى گه‌ڕانه‌وه‌ى خۆى بۆ ئیسرائیل ئاشكرا ده‌كات و ده‌ڵێ” رۆژانه‌ ده‌ستێوه‌ردانى ئێرانى له‌سوریا زیاتر ده‌بێت و له‌وچه‌ند هه‌فته‌یه‌ى دواییشدا چه‌ند شتێك روویدا وایكرد من بگه‌ڕێمه‌وه‌” پێشتریش راگه‌یاندرابوو كه‌ گیلا كه‌وتۆته‌ ده‌ست داعشه‌وه‌، به‌ڵام ئه‌م هه‌واڵه‌ هه‌ر زوو له‌لایه‌ن كچه‌ جوله‌كه‌كه‌وه‌ ره‌تكرایه‌وه‌.