نوچەنێت-جەزیرە
سەرچاوەیەكی ئاگاداری عێراقی بە كەناڵی جەزیرەی وتووە كە لە پارێزگاكانی بەغدا، زیقار، واسیت، بەسرە، میسان و بەشێك لە پارێزگای سەڵاحەدین چەندین بنكەی مەشق و راهێنانی منداڵان لەسەر هونەری جەنگ و بەكارهێنانی چەك كراونەتەوە و هەر بنكەیەك سەدان منداڵ روویان تێكردووە.
سەرچاەكە وتوشیەتی كە قوتابخانەكان و گۆڕەپانەكانی یاری لە پارێزگا شیعەنشینەكان كراونەتە شوێنی مەشقیی سەربازیی بۆ منداڵان. راهێنەرەكانیش بریتین لە ئەفسەرانی كۆن و نوێی عێراق و میلیشیاكانی حەشدی شەعبی.
چاودێران دەڵێن ئەمكارەی شیعەكان پێچەوانەی پەیماننامە نێودەوڵەتییەكانە كە داوا دەكەن كەسانی خوار تەمەنی 18 ساڵی لە چەك و دیاردەی چەكداریی بەدووربن.
هەروەك بەپێی یاساكانی نەتەوە یەكگرتووەكان بە سەربازكردنی كەسانی خوار تەمەنی 15 ساڵ قەدەغەیە و پێچەوانەی پەیماننامەكانی نەتەوە یەكگرتووەكانە.
دەبێ بڵێین حەیدەر عەبادی سەرۆكوەزیرانی عێراقبەمدواییانە داعشی تاوانبار كردبوو كە منداڵان چەكدار دەكات و داوای لە نەتەوە یەكگرتووەكان كردبوو ئەوكارە وەك تاوان دژی مرۆڤایەتی بناسێنرێ.
