وه‌زاره‌تێكى عێراقى سته‌م له‌ ژنه‌ ئێزدى و مه‌سیحیه‌كان ده‌كات

نوچه‌ نێت
به‌هار سلێمان ئه‌ندامى ئه‌نجومه‌نى نوێنه‌ران ئاشكراى ده‌كات وه‌زاره‌تى كاروبارى كۆمه‌ڵایه‌تى سته‌م له‌ژنانى ئاوه‌رى ئێزدى و مه‌سیحى ده‌كات و تا ئێستا مووچه‌یان پێى نه‌داون.
به‌هار سلێمان ئه‌ندامى لیژنه‌ى خێزان و منداڵان له‌ئه‌نجومه‌نى نوێنه‌رانى عێراق، له‌لێدوانێكى رۆژنامه‌وانى دا ده‌ڵێ” وه‌زاره‌تى كارو كاروبارى كۆمه‌ڵایه‌تى عێراقى تا ئێستا پاره‌ى ژنانى ئاواره‌ى ئێزدى و مه‌سیحییه‌كانى نه‌داوه‌. كه‌ ئه‌وانیش زه‌ره‌رمه‌ندترین كه‌سن له‌ شه‌ڕى داعشدا” هه‌روه‌ها به‌هار جه‌خت له‌سه‌ر ئه‌وه‌ ده‌كاته‌وه‌ كه‌ هه‌موو كاروبارى ئه‌وانه‌ ته‌واوكراوه‌ و ناوه‌كانیان ره‌وانه‌ى وه‌زاره‌تى ناوبراو كراوه‌. ده‌شڵێ” بارودۆخى بژێوى ئه‌و ژنانه‌ له‌وپه‌ڕى خراپى دایه‌ و به‌شى ساده‌ترین بنه‌ماى ژیان ناكات”.