منداڵێكى داعشى مامۆستایه‌كى به‌ساڵاچوو ده‌كوژى

نوچه‌ نێت
سایتێكى عێراقى ئاشكراى ده‌كات، منداڵێكى داعشى له‌ قه‌زاى شه‌رگات مامۆستایه‌كى به‌ساڵاچووى كوشتووه‌.
سایتى سۆمه‌ڕییه‌، ئه‌مڕۆ له‌چه‌ند سه‌رچاوه‌یه‌كى لۆكاڵى ئاشكراى كردووه‌، منداڵێكى داعشى له‌ قه‌زاى شه‌رگاتى سه‌ر به‌شارى موسڵ مامۆستایه‌كى به‌ساڵاچووى كوشتووه‌. سه‌رچاوه‌كان بۆ سۆمه‌ریه‌یان ئاشكرا كردووه‌ كه‌ منداڵه‌كه‌ سیمایه‌كى ئاسیایى هه‌بووه‌ واته‌ له‌كۆرى و چینى چووه‌. به‌ده‌مانچه‌ش له‌سه‌رى مامۆستاكه‌ى داوه‌. ئه‌مه‌ش دواى ئه‌وه‌ى تۆمه‌ته‌كه‌ خوێندراوه‌ته‌وه‌ تۆمه‌تى مامۆستاكه‌ ئه‌وه‌بووه‌ فیكرى داعشى ره‌تكردۆته‌وه‌.