نوچەنێت.هه‌ولێر:
به‌پێی تازه‌ترین زانیاری له‌به‌ره‌كانی جه‌نگ له باشوری كه‌ركوك هێزه‌كانی پێشمه‌رگه سه‌ركه‌وتنی گه‌وره‌یان تۆماركردوه‌و نزیكه‌یی 100 تیرۆرست كوژراون و ژماره‌یه‌كی تریش به‌دیلگیراون.
نه‌قیب عه‌تا موسته‌فا فه‌رمانده له‌هێزه‌كانی پێشمه‌رگه بەسایتی فەرمی یەكێتی راگەیاندوە”هێزه‌كانی پێشمه‌رگه سه‌ركه‌وتنی گه‌وره‌یان تۆماركردوه‌و نزیكه‌یی 100 تیرۆرست كوژراون و ژماره‌یه‌ك تیرۆرستیش به‌دیلگیراون“.
ئاشكراشیكرد”له‌ناو دیله‌كاندا تیرۆرستی كوردی تێدایه،ئه‌مه جگه‌له‌وه‌ی لاشه‌یه‌كی زۆری تیرۆرستان له‌مه‌یدانی شه‌ڕداكه‌وتوون“.
ئه‌و فه‌رمانده‌یه جه‌ختیكرده‌وه”ته‌واوی هێزه‌كانی پێشمه‌رگه له‌ئاماده‌باشی ته‌واودان،ئه‌وه‌ی ئه‌مشه‌و داعش هه‌وڵی بۆدا، پیلانێكی گه‌ورره بووه بۆ ئه‌وه‌ی كۆمه‌ڵكوژی بكات،به‌ڵام خۆیان دووچاری ئه‌و چاره‌نووسه بوون و به‌ته‌واوی سه‌ر شۆڕكراون“.
