نوچەنێت-ئاژانسەكان
ئەناتۆلی ئەنتۆنۆڤ جێگری وەزیری بەرگری رووسیا دەلێت “رێكخراوی دەوڵەتی ئیسلامیی داعش بە پشتیوانی رۆژئاوا و هاوپەیمانەكانی پێكهات بە مەبەستی روخاندنی رژێمی سوریا”، وەك ئەو باسی دەكات “دواتر داعش لەژێر كۆنترۆڵی ئەمریكا و رۆژئاواش دەرچوو، دەستیدایە بەدەستهێنانی بەرژەوەندییە تایبەتییەكانی خۆی”.
ئەنتۆنۆڤ وتویەتی داعش لە سوریا و عێراق بووەتە سەرچاوەی نیگەرانی و دڵەڕاوكێیەكی زۆر چونكە “هەزاران توندڕەوی دیكە روو دەكەنە ناوچەكانی ژێر دەسەڵاتی داعش تا توانای خۆیان پەرەپێبدەن لە ئەنجامدانی كاری تیرۆریستی”.
روسیا وتویەتی گورزە ئاسمانییەكان بەس نین بۆ كۆتاییهاتن بە داعش و دەبێت هاوپەیمانێتییەكی ئیقلیمی پێكبێت بۆ جەنگانێكی جددی لەدژی ئەو رێكخراوە توندڕەوە.
