نوچەنیت-ئەلغەدیر
صادق حسینی سەرۆكی لیژنەی ئاسایش لە ئەنجومەنی پارێزگای دیالە رۆژی دووشەممە ئاشكرای كرد كە داعشێك باوك و دوو براكەی خۆی كوشتوە بەهۆی ئەوەی رازی نەبوون بچنە ناو ریزەكانی داعش لە قەزای شەرگاتی سەر بە پارێزگای سەلاحەددین.
لە لێدوانێكی رۆژنامەوانیدا حسینی وتی ” تیرۆرستێكی داعش بەیانی ئەمڕۆ باوك و دوو برای خۆی بە فیشەك كوشتوە لە یەكێك لە لادێكانی قەزای شەرگاتی سەر بە پارێزگای سەڵاحەددین ،دوای ئەوەی رەتیان كردوەتەوە بچنە ریزەكانی داعشەوە”.
حسینی هەروەها وتی ” ئەو تاوانە قەبارەی مەترسیداری فكری گومڕا و توندڕەوی داعش دەردەخات كە هیچ پرەنسیپ و حەرام كراوێكیان نیە و كوشتن و خوێنڕشتنیان حەڵاڵ كردوە”، دووپاتیكردەوە كە هەموان دەبێت شانبەشان هەوڵ بدەن بۆ لەناوبردنی فكری داعش كە هەڕەشە لە كۆمەڵگا ئیسلامیەكان دەكات.
