عه‌بادى: مانگانه‌ 40 توندڕه‌و دێنه‌ ناو عێراق

نوچه‌ نێت
له‌لێدوانێكى دا ئه‌مڕۆ حه‌یده‌ر عه‌بادى ده‌ڵێ” مانگانه‌ به‌تێكرایى 40 توندڕه‌و دێنه‌ ناو عێراق” داواش له‌ وڵاتانى ده‌وروبه‌ر ده‌كات سنورێك ئه‌م ئه‌ودیارده‌ دابنێن.
له‌لێدوانێكى ته‌له‌فزیۆنى تۆماركراودا حه‌یده‌ر عه‌بادى سه‌رۆك وه‌زیرانى عێراق ده‌ڵێ” مانگانه‌ 40 توندڕه‌و دێنه‌ ناو عێراق. ئێمه‌ مه‌ینه‌تى راسته‌قینه‌مان له‌گه‌ڵ ئه‌و چه‌كدار و تیرۆریستانه‌یه‌ كه‌ له‌ده‌ره‌وه‌ى سنوور دێنه‌ عێراق و ئێستاش ژماره‌ى تیرۆریستانى بیانى زۆر له‌ ژماره‌ى تیرۆریسته‌ عێراقییه‌كان زیاتره‌و پێویستمان به‌چاره‌سه‌ره‌؟” ئاماژه‌ بۆ ئه‌وه‌ش ده‌كات شه‌ڕى ئه‌مڕۆ له‌گه‌ڵ داعش شه‌ڕێكى ئاسایى نییه‌” شه‌ڕى سوپا به‌رامبه‌ر سوپا نییه‌”.