حاكم زاملی : بارزانى خوێنى شه‌هیدان له‌به‌رچاو ده‌گرێت

حاكم زاملى سه‌رۆكى لیژنه‌ى كه‌وتنى موسڵ له‌كۆنگره‌یه‌كى رۆژنامه‌وانى ده‌ڵێ” بارزانى وه‌ڵامى پرسیاره‌كانى لیژنه‌كه‌مان ده‌داته‌وه‌. چونكه‌ بارزانى حه‌ریسه‌ له‌سه‌ر خوێنى پێشمه‌رگه‌ و عێراقییه‌كان”.
حاكم زاملى سه‌رۆكى لیژنه‌كه‌ ره‌تى ده‌كاته‌وه‌ پرسیاره‌كان” لوغمى” تێدابێت و ده‌شڵێ” پرسیاره‌كان سروشتین” دواتر ده‌ڵێ” له‌ ده‌زگاكانى راگه‌یاندنمان بیستووه‌ كه‌ بارزانى ئاماده‌ نییه‌ وه‌ڵامى پرسیاره‌كانى لیژنه‌كه‌ى بداته‌وه‌، ئێمه‌ ئه‌مه‌ به‌نافه‌رمى وه‌سف ده‌كه‌ین” زاملى هیواى ئه‌وه‌ش ده‌خوازێت كه‌ بارزانى وه‌ڵامى پرسیاره‌كان بداته‌وه‌ و ده‌شڵێ” بارزانى وه‌ڵامى ئه‌و پرسیارانه‌ ده‌داته‌وه‌ چونكه‌ په‌یوه‌سته‌ به‌خوێنى پێشمه‌رگه‌ و عێراقییه‌كان، ئه‌وانه‌ى هێشتا ده‌كوژرێن به‌هۆى كه‌وتنى موسڵه‌وه‌ و بارزانیش حه‌ڕیسه‌ له‌سه‌ر عێراق”.