نوچەنێت.هه‌ولێر:
سەرۆك كۆمار لە كۆبونەوەی لەگەڵ سكرتێری گشتی یەكێتی سڵاو رێزی هەردو سەرۆكی توركیا و ئێران و لێپرسراوانی هەردو وڵاتی پێ گەیاند.
ماڵپەڕی سەرۆکایەتی كۆمار بڵاوی کردەوە”ئەمڕۆ چوارشەممە ٢٠١٥/٦/١٠ سەرۆك كۆمار فوئاد مەعسوم سەردانی جەلال تاڵەنابانی سكرێتی كشتی یەكێتی كرد لە سلێمانی و سەرلەنوێ پیرۆزبایی لێكردەوە بە بۆنەی تێپەڕبونی چل ساڵ بەسەر دامەزراندنی (ی.ن.ك) دا و خۆشحاڵیی خۆیشی دەربڕی كە تەندروستیی بەڕێزیان لە بەرەوە پێشچونی بەردەوامدایە“.
بەپێی هەواڵی ماڵپەڕەكە”سەرۆك كۆماری عیراق ئاماژەیكرد بۆ ئەنجامە ئیجابییەكانی هەردو سەردانەكەی ئەم دواییەی بۆ هەریەك لە كۆماری توركیا و كۆماری ئیسلامیی ئێران و وتوێژەكانی لەگەڵ گەورە لێپرسراوانی هەردو وڵاتدا“.
ماڵپەڕەكە رونیشیكردوەتەوە”مەعسوم سڵاو رێزی هەردو سەرۆكی توركیا و ئێران و لێپرسراوانی هەردو وڵاتی گەیاندە سەرۆك مام جەلال كە خوازیاری هەرچی باشتری تەندروستیی بەڕێزیان بون“.
