نوچەنێت.هه‌ولێر:
سەرۆكی هەرێمی كوردستان ئیدانەی تەقینەوەكەی شاری ئامەد دەكات و ئومێدی ئەوە دەخوازێ هەڵبژاردنەكانی توركیا لە بەرژەوەندیی گەلانی توركیا بە ئەنجام بگات.
دەقی راگەێندراوەكە:
ڕاگەیێندراوێك لە گوتەبێژی فەرمیی سەرۆكایەتیی هەرێمی كوردستان
بەداخەوە ڕۆژی هەینی 5ـی 6ـی 2015 لە گردبوونەوەیەكی جەماوەریی بۆ بانگەشەی هەڵبژاردن لە شاری ئامەد دوو تەقینەوە ڕووی دا و بووە هۆی برینداربوونی ژمارەیەك هاووڵاتی و دروستبوونی نیگەرانی و دڵەڕاوكێی هاووڵاتیان. بەڕێز سەرۆكی هەرێمی كوردستان ئیدانەی ئەو تەقینەوانە دەكات و ئومێدی ئەوە دەخوازێ هەڵبژاردنەكانی توركیا لە بەرژەوەندیی گەلانی توركیا بە ئەنجام بگات. هەروەها بەڕێزیان هیواخوازە هەڵبژاردنەكان لە هێمنی و ئارامی و لە كەشێكی دیموكراسیانە بەڕێوە بچێت و دواجار خزمەتی پێشڤەچوونی پڕۆسەی ئاشتی لە توركیا و سەقامگیری بكات.
د. ئومێد سەباح
گوتەبێژی فەرمیی سەرۆكایەتیی هەرێمی كوردستان
6ـی 6ـی 2015
