نوچەنێت.هه‌ولێر:
بەڕێوەبەری كۆنترۆڵی كارەبای هەرێم رایگەیاند:دەتوانین لەم مانگەدا 16-17 كاتژمێر كارەبا بدەین بە هاوڵاتیان، ئەمەش دوای ئەوەی لەمانگی رابردوو توانرا بەتێكڕا 22 كاتژمێر كارەبا لە هەر چوار پارێزگاكەی هەولێرو سلێمانی و دهۆك و هەڵەبجە بدرێت بە هاوبەشانی كارەبا.
دەقی راگەیاندراوەکە:
بەڕێوەبەری كۆنترۆڵی كارەبای هەرێم: لەكاتی دابینكردنی سوتەمەنی بۆ تەواویی یەكەكانی وێستگە غازییەكان دەتوانرێت ئەو بڕە كارەبایە بدرێت.
پاش هەڵسەنگاندی بارودۆخی كارەباو چۆنیەتی ئیشپێكردنی یەكەكانی وێستگەكانی غازی بەرهەمهێنانی كارەباو كارۆ ئاوی لەهەردوو بەنداوی دوكان و دەربەندیخان، وەزارەتی كارەبا بڕیاریدا بۆ مانگی حوزەیرانی ئەمساڵ لەكاتی دابینكردنی سوتەمەنی بۆ یەكەكانی وێستگە غازییەكان 16- 17 كاتژمێر كارەبا بدرێت بە هاوڵاتیان.
لەمبارەیەوە ئومێد ئەحمەد بەڕێوەبەری كۆنترۆڵی كارەبای هەرێم رایگەیاند: (لەكاتی دابینكردنی سوتەمەنی بۆ تەواویی یەكەكانی وێستگە غازییەكان و بەڕەچاوكردنی هەڵكشانی خواست لەسەر بەكارهێنانی كارەبا دەتوانین لەم مانگەدا 16-17 كاتژمێر كارەبا بدەین بە هاوڵاتیان، ئەمەش دوای ئەوەی لەمانگی رابردوو توانرا بەتێكڕا 22 كاتژمێر كارەبا لە هەر چوار پارێزگاكەی هەولێرو سلێمانی و دهۆك و هەڵەبجە بدرێت بە هاوبەشانی كارەبا.
داوا لەهاوڵاتیانی بەڕێزیش دەكەین هاوكارمان بن لەكەمكردنەوەی زیاد بەكارهێنانی كارەبا چونكە دەرئەنجامی خەرج نەكردنی بودجە بۆ چاككردنەوەی وەرزی و زیادبوونی هاوبەشانی كارەباو هاتنی ملیۆن و نیوێك ئاوارەو پەناهەندەو هەڵكشانی خواست لەسەر بەكارهێنانی كارەبا لە وەرزی هاوین بارگرانیەكی زۆر كەوتۆتە سەر وێستگەو تۆڕەكانی دابەشكردنی كارەبا).
