وه‌زیرى به‌رگرى ئه‌مریكا عه‌بادى تووشى شۆك ده‌كات

نوچه‌ نێت
به‌غدا ئه‌و قسانه‌ى ئه‌شتون كارته‌رى وه‌زیرى به‌رگرى ئه‌مریكا ره‌ت ده‌كاته‌وه‌ كه‌دوێنێ گوتبووى سوپاى عێراقى نه‌یویستوه‌ له‌ رومادى شه‌ر بكات و قاسم سوله‌یمانیش به‌رپرسى فه‌یله‌قى قودس ده‌ڵێ” واشنتون هیچى نه‌كردووه‌ بۆ رزگاركردنى شاره‌كه‌”
ئه‌مرۆ حه‌یده‌ر عه‌بادى سه‌رۆك وه‌زیرانى عێراق له‌دیمانه‌یه‌كى له‌گه‌ڵ بى بى سى باسى لێدوانه‌كه‌ى كارته‌ر ده‌كات و ده‌ڵێ” من سه‌رم سوڕماوه‌ له‌وه‌ى قسه‌ى وه‌هاى كردووه‌…مه‌به‌ستم ئه‌وه‌یه‌ ئه‌و زۆر به‌هێز پاڵپشتى عێراق بوو. من دڵنیام زانیارى هه‌ڵه‌ى پێدراوه‌”. دوێنى كارته‌ر باسى له‌وه‌كرد كه‌ كه‌وتنى رومادى له‌ 17 ئه‌م مانگه‌ خراپترین شكستى هێزه‌كانى عێراق بوو له‌م ساڵدا و پێشیوابوو ده‌كرا خۆى لێ لابدرێت. دوێنێك كارته‌ر وتى” ئه‌وه‌ى روویدا واى ده‌رخست كه‌ هێزه‌كانى عێراق نایانه‌وێ شه‌ڕ بكه‌ن”.