داعش ده‌روازه‌یه‌كى گرنگى نێوان سوریا وعێراق ده‌گرێت

نوچه‌ نێت
ئه‌مڕۆ به‌پرسێكى ئه‌نجومه‌نى پارێزگاى ئه‌نبار ئاشكرا كرد، داعش ده‌روازه‌ى وه‌لیدى كه‌وتۆته‌ ده‌ست و له‌مه‌شدا حكومه‌تى عێراقى به‌به‌رپرسیار زانى.
سوعاد جاسم سه‌رۆكى لیژنه‌ى كاروبارى سنوور له‌ پارێزگاى ئه‌نبار له‌لێدوانێكى رۆژنامه‌وانى دا ئاشكراى كرد كه‌ ده‌روازه‌ى وه‌لید كه‌وتۆته‌ به‌رده‌ستى داعش، ئه‌و ده‌روازه‌یه‌ش ده‌كه‌وێته‌ نێوان عێراق و سوریا. سوعاد له‌و رووداوه‌دا حكومه‌تى عێراقى به‌ به‌رپرسیار زانى، چونكه‌ هێزه‌كانى عێراق ئه‌و ده‌ره‌وازه‌یان جێهێشتووه‌ و بۆ ده‌روازه‌ى ته‌ربیڵ رۆیشتوون كه‌ ده‌كه‌وێته‌ نێوان ئه‌رده‌ن و عێراق.