ئه‌و شاعیره‌ جنێوى به‌كوردستان دا هیوایه‌كى سه‌یرى هه‌یه‌

نوچه‌ نێت
سه‌عدى یوسف شاعرى ناسراوى عه‌ره‌ب كه‌پێشتر جنێوى به‌كوردستان دابوو ئه‌مجاره‌ هیوا ده‌خوازێ به‌غدا بكه‌وێته‌ ده‌ست داعش.
سه‌عدى یوسف هه‌رچه‌نده‌ رابردوویه‌كى دیارى له‌بوارى ئه‌ده‌ب هه‌یه‌ و خاوه‌نى چه‌ندین خه‌ڵاته‌، به‌ڵام ماوه‌ى چه‌ند ساڵێكه‌ به‌ بڵاوكردنه‌وه‌ى هه‌ندێك شیعر نه‌ته‌وه‌ و پێكهاته‌ى جیاجیا له‌خۆى توڕه‌ ده‌كات. به‌شیعرێك ئیسلامییه‌كان و به‌شیعرێكى دیكه‌ هه‌موو عێراقییه‌كان. پارسالیش كوردى به‌قه‌سیده‌یه‌ك توڕه‌ كرد. دوو رۆژ له‌مه‌وبه‌ر شیعرێكى دیكه‌ بڵاوكردۆته‌وه‌ له‌شیعره‌كه‌ى هیواى ئه‌وه‌ ده‌خوازێ كه‌ به‌غدا بكه‌وێته‌ ده‌ست داعشه‌وه‌. ئه‌مه‌ش عێراقییه‌كانى به‌ته‌واوه‌تى توڕه‌كردووه‌ و بۆیه‌ به‌شێوازى جیاجیا كاردانه‌وه‌ له‌تۆڕه‌ كۆمه‌ڵایه‌تییه‌كان له‌به‌رامبه‌ر ئه‌و شاعیره‌ هه‌یه‌.