به‌رپرسێكى كورد نهێنى گرتنى رومادى ئاشكرا ده‌كات

نوچه‌ نێت
لیوا فازڵ به‌روارى سه‌ركرده‌ى فرقه‌ى زه‌هه‌بى نهێنى گرتنى رومادى ئاشكرا ده‌كات و به‌” ته‌كتیكى” وه‌سفى ده‌كات.
ئه‌مڕۆ فازڵ به‌روارى به‌رپرسى فرقه‌ى زه‌هه‌بى عێراقى له‌لێدوانێكى رۆژنامه‌وانى نهێنى گرتنى رومادى له‌لایه‌ن داعشه‌وه‌ ئاشكرا ده‌كات و ده‌ڵى” گرتنى رومادى ته‌كتیكى بووه‌” ئه‌و روونى ده‌كاته‌وه‌ فرقه‌ى زه‌هه‌بى ئێستا له‌ناوچه‌ى سه‌جاریه‌ى رۆژهه‌ڵاتى رومادییه‌ و چاوه‌ڕێى گشتنى حه‌شدى شه‌عبى و پۆلیسن بۆ ئه‌وه‌ى شاره‌كه‌ به‌ته‌واوى له‌ده‌ستى داعش رزگار بكه‌ن”. دواتریش ده‌ڵێ” ئه‌مجاره‌ جه‌نگى داعش له‌ رومادى یه‌كلاكه‌ره‌وه‌ ده‌بێت”. دوێنێ داعش به‌ته‌واوى شارى رومادى كۆنتڕۆل كرد و پۆلیس و هێزه‌كانى عێراق پاشكشه‌یان له‌ناو شاره‌كه‌ كرد.