عه‌بادى به‌ناچارى ئه‌و پیاسه‌یه‌ى كرد

نوچه‌ نێت
ئه‌مڕۆ حه‌یده‌ر عه‌بادى سه‌رۆك وه‌زیرانى عێراق بۆ هێوركردنه‌وه‌ى بارودۆخى پایته‌خت له‌ شه‌ڕى تایفى سه‌ردانى هه‌ریه‌كه‌ له‌ ناوچه‌ى ئه‌عزه‌میه‌ و كازمییه‌ى كرد.
دوێنى شه‌و كه‌سانى مه‌زهه‌بى شیعه‌ هێرشیان كرده‌ سه‌ر وه‌قفى سوننى له‌ گه‌ڕه‌كى ئه‌عزه‌میه‌ى شارى به‌غدا ئه‌مه‌ش به‌ر له‌هه‌موو لایه‌نێك ناره‌زایى سه‌رۆكایه‌تى ئه‌نجومه‌نى وه‌زیرانى لێكه‌وته‌وه‌. به‌ڵام هه‌ر ئه‌مڕۆش ته‌قینه‌وه‌ له‌ كازمیه‌ روویدا كه‌ناوچه‌یه‌كى زۆرینه‌ى شیعه‌یه‌ و هه‌ر زوو داعیشیش به‌رپرسیارێتى ته‌قینه‌وه‌كه‌ى له‌ ئه‌ستۆ گرت. به‌ڵام حه‌یده‌ر عه‌بادى و له‌گه‌ڵ چه‌ندین كه‌سایه‌تى شیعه‌ و سوننه‌ هه‌ردوو ناوچه‌كه‌ى به‌سه‌ر كرده‌وه‌ و ده‌زگا ئه‌منییه‌كانیش رایانگه‌یاندووه‌ كه‌ چه‌ندین كه‌سیان به‌تۆمه‌تى هێرشكردنه‌كه‌ى دوێنى سه‌ر وه‌قفى سوننى ده‌ستگیركردووه‌.