نوچەنێت-سی ئێن ئێن
داعش ئاشكرای دەكات كە ئەوان بوونەهۆی شكاندنی بەندیخانەی خاڵس و تونیویانە چەندین چەكداری خۆیان ئازاد بكەن.
لە تێكشكاندنی بەندیخانەی خاڵسدا 50 زیندانی و 12 پاسەوانی بەندیخانەكە كوژران و چەندین زیندانیی دیكەش هەڵاتن كە هەندێكیان ئەندامی داعشن و بە تاوانی پەیوەست بە تیرۆر زیندانی كرابوون.
بەپێی بەیاننامەیەكی داعش لەسەر پەیجەكانیان ل تۆڕی كۆمەڵایەتی تویتەر، ئەوان سەرەتا بە نهێنی پەیوەندییان لەگەڵ زیندانییەكان درووستكردووە بۆ دیاری كردنی كاتژمێری سفر، دواتر بە 15 ئوتومبیل بۆمبڕێژكراو هێرشیان كردووە و دواتریش پێكدادانی سەربازی درووستبووە لەنێوان پاسەوانانی زیندانەكە لەلایەك و چەكدارانی داعش و زیندانییەكان لەلایەكی تر.
بەپێی راگەیەنراوەكەی داعش لە ئەنجامی ئەو پرۆسەیەدا 30 چەكداری داعش لە زیندان هەڵاتوون و لایەنی حكومی نەیتوانیوە دەستگیریان بكاتەوە.
لەلای خۆیشیەوە غالب عەتیە وتەبێژی پۆلیسی دیالە بە سی ئێن ئێنی وتوە لە ئەنجام ئاڵۆزییەكانی زیندانی خاڵسدا 30 زیندانی و پێنج پۆلیس كوژراون و 40 زیندانیش هەڵاتوون كە 9 كەسیان بە تاوانی پەیوەست بە تیرۆر زیندانی كرابوون.
