سەرچاوەیەك لە پارێزگای كەركووكەوە رایگەیاند كە ئهمڕۆ پێنج شهممه مەلا شوان قازی شەرعی دەوڵەتی ئیسلامی لەلایەن چەكدارانی داعشەوە بە تۆمەتی ناپاكی دەستگیر كراوە و كەسێكی تر خراوەتە شوێنەكەی.
سەرچاوەكە وتویەتی دوای دەستگیركردنی، مەلا شوان بەرەو موسڵ براوە و نازانرێ چارەنووسی بەچی دەگات.
سەرچاوەكە كە نەیویستووە ناوی بهێنرێت بە “مەوەددە نیوز”ی وتوە كە داعش متمانەی بە كوردەكانی نێو ریزەكانی نەماوە و نایەوێت لە ریزەكانی پێشەوە بن.
وتوشیەتی ئێستا داعش پشت بە بیانییەكان دەبەستێت كەمتر متمانە بە كورد و عێراقییەكان دەكات.
شیاوی باسە مەلا شوان قازی شەرعی داعش بووە لە ناوچەی حەویجە و بەشداری راستەوخۆی شەڕی داعشی كردووە لەگەڵ پێشمەرگە و سوپای عێراق و حەشدی شەعبی.
