ئه‌مریكا ره‌خنه‌ له‌ جه‌نگى بێجى ده‌گرێت و به‌” دژوارى” ناو ده‌بات

نوچه‌ نێت
وته‌بێژى وه‌زاره‌تى به‌رگرى ئه‌مریكا پێیوایه‌ جه‌نگى دژى داعش له‌ پاڵاوگه‌ى بێجى به‌ ئاراسته‌یه‌كى هه‌ڵه‌ ده‌ڕوات و جه‌نگه‌كه‌ش به‌ دژوار وه‌سف ده‌كات
كۆلۆنیل وارن وته‌بێژى وه‌زاره‌تى به‌رگرى ئه‌مریكا(په‌نتاگۆن) ره‌خنه‌ى له‌و جه‌نگه‌ گرت كه‌ هێزه‌ عێراقییه‌كان له‌پاڵاوگه‌ى بێجى له‌دژى داعش ئه‌نجامى ده‌ده‌ن و پێیوابوو به‌ ئاراسته‌یه‌كى هه‌ڵه‌ ده‌ڕوات و له‌گه‌ڵ ئه‌وه‌شدا جه‌نگه‌كه‌ى به‌ دژوار وه‌سف كرد و وتیشى” جه‌نگه‌كه‌ دژواره‌ و ناتوانرێت پێشینى بكرێت” تا ئێستا زانیارییه‌كان له‌باره‌ى جه‌نگى پاڵاوگه‌ى بێجى روون نییه‌، له‌لایه‌ك حكومه‌تى عێراقى ره‌تى ده‌كاته‌وه‌ هیچ به‌شێكى پاڵاوگه‌كه‌ له‌به‌رده‌ستى داعش دابێت. كه‌چى زانیارى وه‌ها دزه‌ ده‌كه‌ن و ئاماژه‌ بۆ ئه‌وه‌ ده‌كه‌ن كه‌ چه‌ندین به‌شى گرنگى پاڵاوگه‌كه‌ كه‌وتۆته‌ ده‌ست داعش.