نوچەنێت-بەغدا
رۆژی چوارشەممە حەیدەر عەبادی سەرۆكوەزیرانی عێراق ، پابەندبوونی حكومەتی فیدرالی بە یاسای بودجەوە دووپاتكردەوە كە پشكی 17%ی بۆ هەرێمی كوردستان تەرخانكراوە ، ئاماژەشی بەوەدا كە پێشمەرگە بەشێكە لە سیستمی بەرگری عێراق .
نوسینگەی عەبادی لە بەیاننامەیەكدا بڵاوی كردەوە كە ” حەیدەر عەبادی سەرۆكوەزیرانی عێراق ئەمرۆ لە نوسینگەی خۆی پێشوازی كرد لە ئارام شێخ محەمەد جێگری سەرۆكی پەرلەمانی عێراق ، لەو دیدارەدا لە هاوكاری نێوان هەردوو دەسەڵاتی یاسادانان و جێبەجێكردن و دەركردنی ئەو یاسایانەی كە خزمەتی هاونیشتمانیان دەكەن و ئەو سەركەوتنانەی كە لەلایەن سوپاو پۆلیس و حەشدی شەعبی و پێشمەرگەو و هۆزەكانەوە بەدەستهاتوون كۆڵییەوە”.
هەروەها لە بەیاننامەكەدا هاتوە ” ئەو دیدارە گرنگی یەكگرتوویی هێزە سیاسییەكانی بۆ رووبەڕوو بوونەوەی ئەو ئاستەنگانەی رروبەڕووی وڵات دەبنەوە لە هەموو روویەكەوە دەرخست”.
عەبادیش ئەوەی دووپات كردەوە كە ” پابەندین بە یاسای بودجەوە و بەشی هەموو پارێزگاكان پارێزراوە” ئاماژەشی بەوەدا كە ” پێشمەرگە بەشێكە لە سیستمی بەرگری عێراق “.
ئەنجومەنی نوێنەران لە 29 ی كانونی دووەمی 2015 پرۆژە یاسای بودجەی ئەمساڵی پەسەند كرد بە بڕی 119 تریلیۆن دینار و كورتهێنان بە بڕی 25 تریلیۆن . كە لەو كاتەدا سەلیم جبوری سەرۆكی پەرلەمانی عێراق رایگەیاند عێراق لە ساڵی 2003 ەوە بەخۆیەوە نەبینیوە بەدجە لە مانگی یەكدا پەسەند بكرێت.
