نوچەنێت.هه‌ولێر:
لە میانەی كۆبونەوەی هەر پێنج فراكسیۆنە كوردستانیەكەی بەغدا ئێوارەی ئەمڕۆ ڕێكەوتن لە سەر پێكهێنانی هاوپەیمانی فراكسیۆنە كوردستانیەكان لە پەرلەمانی عێراق.
لەراگەیەنراوی ئەو كۆبونەوەیەش ئاماژە بۆ ئەوەكراوە”لەكۆبونەوەی ئەمڕۆ 3/5/2015 ی فڕاكسیۆنە كوردستانییەكان كە لەبارەگای هاوپەیمانی كوردستانی بەڕێوەچوو،دوای گفتوگۆیەكی چڕو لەپێناو رێكخستنی توانا و هەڵوێستی لایەنە كوردستانیبیەكان بڕیاردرا بە پێكهێنانی هاوپەیمانییەتێك بەناوی هاوپەیمانی فراكسیۆنە كوردستانیەكان“.
راگەیەنراوەكە واژۆى هەر یەک لە نوێنەرانى پێنج فراکسیۆنە کوردستانییەکەى لە پەرلەمانى بەغدا پێوەیە و لەلایەن سەرۆكی هەریەكە لە فڕاکسیۆنەكانی(یەکێتى،پارتى،بزووتنەوەى گۆڕان،یەکگرتووى ئیسلامى و کۆمەڵى ئیسلامى)واژۆ کراوە.
لەبەشێكی تری راگەیەنراوەكە هاتووە”هاوپەیمانی فراكسیۆنە كوردستانیەكان پەیڕەوێکى ناوخۆ بۆ یەکخستنى کاروبارەکانى هاوپەیمانییەکە ئامادە دەکەن و لە کۆبوونەوەى داهاتووى هاوپەیمانییەکەدا گفتوگۆى لەسەر دەکرێت“.
ئاماژە بەوەشکراوە كە”بۆ دیاری كردنی دەستەى سەرۆکایەتیى هاوپەیمانی پرس بە مەکتەبى سیاسیى لایەنە سیاسییەکانى کوردستان دەكرێت“.
