نوچەنێت.هه‌ولێر:
هێزه‌كانی هاوپه‌یمانان به هاوبه‌شی هێزه كوردی و عیراقیه‌كان سه‌رقاڵی ئاماده‌كارین بۆ رزگاركردنی ناوچه‌كانی مه‌خمور و موسڵ.
ره‌شاد گه‌ڵاڵی به‌رپرسی كۆمیته‌ی مه‌خموری یه‌كێتیی به سایتی فەرمی حیزبەكەی راگه‌یاندوە”هێزه‌كانی هاوپه‌یمانان له رۆژئاوای مه‌خمور سه‌رقاڵی دروستكردنی ژورێكی هاوبه‌شن له‌گه‌ڵ هێزه كوردیی و عیراقییه‌كان به‌مه‌به‌ستی به‌رنامه داڕێژی بۆ ئازادكردنی ناوچه‌كانی موسڵ له ده‌ست تیرۆرستان“.
وتیشی”پێكهێنانی ئه‌و ژوره هاوبه‌شه به‌رنامه داڕێژی بۆ كراوه‌و له ئێستادا سه‌رقاڵی ئاماده‌كارین بۆ ئه‌نجامدانی كۆبوونه‌وه“.
