نوچەنێت-جەزیرە
سەرەڕای ئەوەی ملیۆنان گەشتیاری شیعە روودەكەنە كەربەلا و نەجەف و كازمییە و سامەڕڕای عێراق، كۆمپانیا عێراقییەكان پارەیەكی كەمیان دەستدەكەوێت و ئێران لەڕێگەی كۆمپانیایەكی زەبەلاحەوە ئەو بازرگانییەی كۆنترۆڵكردووە.
كۆمپانیای شەمسی ئێرانی لەدوای 2003 وە كەرتی گەشتیاریی ئایینیی عێراقی كۆنترۆڵكردووە و كۆمپانیا عێراقییەكان تەنیا وەك خزمەتكاری كۆمپانیاكە كاردەكەن و سوودێكی ئێجگار سنوورداریان دەستدەكەوێت.
كۆمپانیا ئێرانییەكە تەنانەت چێشتخانەی تایبەت بە خۆیشی لە شارە عێراقییەكان درووستكردووە و گەشتیاران ناچار دەكات لەوێ نان بخۆن، بە گرێبەستێكی تایبەتیش میوانەكان دەنێرێتە هۆتێلەكان و بەپێی گرێبەستەكە پشكی شێر بۆ كۆمپانیای شەمسە و كۆمپانیا عێراقییەكان تەنیا پارەیەكی رەمزیی وەردەگرن.
بڕیاردەری لیژنەی گەشتیاری و كەلەپوور لە پەرلەمانی عێراق حسێن شەریفی كۆمپانیای شەمسی ئێرانی بە پیشێلكردنی سەروەری خاكی عێراق تاوانباركردووە و داوای كردووە لێپێچینەوەی لەگەڵ بكرێت.
شەریفی داوا كردووە وەزارەتی گەشتیاری و كەلەپوری عێراق تاكەبەرپرس بێت لە میوانانی مەزارگە و شارە شیعەنشینەكان” تاوەكوو داهاتی ئەو گەشتیارانە بچێتە ناو خەزێنەی عێراق و لە خزمەتی گەلەگەی بەكاری بهێنێ.
