سوپای ئەمریكا رایگەیاند لە بەرەبەیانی دووشەممە هەتا بەرەبەیانی سێشەممە فڕۆكەكانی هاوپەیمانان 28 هێرشیان كردۆتە سەر داعش، كە شەش هێرشیان لە سووریا و 22 هێرشیان لە عێراق بوون.
بەپێی راگەیەنراوەكە لە سووریا هێرشەكان بۆسەر ناوچەكانی حەسەكە و كۆبانی چڕ بوونەوە.
لە عێراقیش هێرشەكان بۆسەر پێگەكانی داعش لە موسڵ و تەلەعفەر و شنگال و حەویجە و عەینولئەسەد و فەللوجە و بێجی ئەنجامدراون و تێیدا مۆڵگەكانی داعش و كارگانی درووستكردنی چەكی ئەو رێكخراوە تیرۆریستییە كرانە ئامانج.
