نوچەنێت-ئاژانسەكان
مەكتەبی راگەیاندنی داعش لە حومسی سوریا پەیامێكی ڤیدیۆیی بڵاوكردەوە بەناوی “پەیامێك بۆ خەڵكی یەمەن” و تێیدا هەڵوێستی ئەو رێكخراوە توندڕەوەی دەربارەی گەردەلوولی یەكلاكەرەوە راگەیاند كە هاوپەیمانیی عەرەبیی دژی حوسییە شیعە مەزهەبییەكانی یەمەن بەرپاكردووە.
داعش داوای لە رێكخراوە سوننییەكانی یەمەن كردووە خۆیان هەڵبوەشێننەوە و پەیمانی پابەندبوون بە ئەبوبەكر بەغدادی بدەن. هەروەك داوای لە هۆزە سوننییەكانی دانیشتوی یەمەن كردووە لە یەمەن پەلاماری حوسیەكان بدەن و رووبكەنە عێراقیش بۆ لێدانی شیعەكان.
داعش هۆشداریی داوەتە سوننەكانی یەمەن لە پشتگیری كردنی هاوپەیمانێتی عەرەبی و گومانی دەربڕیوە لەوەی ئەو هاوپەیمانێتییە مەبەستیان بەرگری كردن بێت لە سوننەكانی یەمەن.
داعش هەڕەشەی سەربڕین لە حوسییەكانی یەمەنیش دەكات و پێیان دەڵێن چاوەڕێی هیچ لە داعش مەكەن جگە لە توڕەیی و توندوتیژی.
