ئه‌و پیاوه‌ى به‌نه‌عل له‌وێنه‌ى سه‌دامى دا ئێستا له‌كوێیه‌؟

نوچه‌ نێت
به‌یانى یادى كه‌وتنى رژێمى به‌عسه‌ له‌ عێراقه‌. ئه‌و رۆژه‌ى كه‌یه‌كێك له‌كه‌سایه‌تییه‌كه‌ى له‌ راگه‌یاندنى دونیا دروست كرد. كه‌سێك كه‌له‌خۆیه‌وه‌ بێ ئاگاى خۆى بووه‌ پاڵه‌وان. ته‌نها خه‌مه‌كانى و ده‌رده‌ دڵ ئه‌ویان كرده‌ پاڵه‌وان. ئه‌و ناوى ئه‌بو ته‌حسین بوو دواتر به‌ ئه‌بو نه‌عال ناسرا. ئه‌و كه‌سه‌ بوو كه‌ له‌ 4/9 /2003 به‌ نه‌عل له‌وێنه‌ى سه‌دامى ده‌دا.
ئه‌و نه‌عله‌ى تا دره‌نگ پاراست و دواتر پێشكه‌شى مۆزه‌خانه‌ى هه‌ڵه‌بجه‌ى كرد. تا پار ساڵ ئه‌بوته‌حسین له‌هه‌ولێر ده‌ژیا به‌ڵام له‌به‌ر ژیانى ئه‌منى ئه‌و، شوێنه‌كه‌ى له‌ راگه‌یاندن ئاشكرا نه‌ده‌كرا. چه‌ندین جار داوا له‌ ئه‌بوته‌حسین كرا نه‌عله‌كه‌ى بفرۆشێ به‌ڵام ئه‌و وتى” نه‌عله‌كه‌م بۆته‌ به‌شێك له‌مێژووى عێراق ناكرێت بفرۆشرێت”.